សំយាបផ្ទះជួល "

" សំយាបផ្ទះជួល "

I- សំណោកកវី លើដីទឹកល្អក់
    ទឹកខ្មៅសម្រក់ ដក់លើអក្ខរា
    សំយាបផ្ទះជួល អួលណែនឱរ៉ា
    បកស្រាយខ្លឹមសា ស្នេហាក្រៀមក្រោះ។

II- អង្រឹងព្រាត់គូ ទួញហូរទឹកភ្នែក
    ក្រោមដំបូលមេឃ ដេកឱបចិត្តស្មោះ
    ស្នេហ៍ក្នុងគ្រាក្រ ស្រីល្អប្តូរឈ្មោះ
    បំភ្លេចចោលអស់ ខ្សោះលែងអាល័យ ។  

R-ឱ..សំយាបអើយ ឃ្លាតខ្នើយផ្កាស្លា
    គេងកើយទុក្ខា  ស្នេហារីងរៃ
    គេភ្លេចសំយាប ធ្លាប់រួមមេត្រី
    ចុះចោលកវី ឥតក្តីអាណិត ។

III-នឹកទួលគោកផង នួនល្អងមាសមេ
    នឹកគ្រាបំពេ ថ្នាក់ថ្នមសេ្នហ៍ស្និទ្ធ
    បានឱបប្រុសថ្មី វិថីសមចិត្ត
    សូមងាកអាណិត សំយាបផងអូន.... ។
                        ដោយ: ម៉ៃ វឌ្ឍនា
                     រក្សាសិទ្ធិ 27/10/2016