នៅពេលដែលដឹងថាខ្លួនឯងល្ងងមានន័យថាយើងកំពុងតែផ្លាស់ប្តូរហើយ

ការផ្លាស់ប្ដូរ មិនមែនមានន័យថា យើងឈប់ល្ងង់ ឬក៏ក្លាយជាមនុស្សឆ្លាតនោះទេ គ្រាន់តែយើងចាប់ផ្ដើមចេះថ្លឹងថ្លែងខុសត្រូវច្រើនជាងមុន។ រឿងពីរយ៉ាងដែលធ្វើឱ្យខ្ញុុំភ្ញាក់ផ្អើលចំពោះមនុស្សជុំវិញខ្លួន គឺពួកគេតែងតែគិតថា ខ្លួនឯងឆ្លាត ឬក៏គិតថាខ្លួនឯងជាមនុស្សល្អ អ្នកដទៃជាមនុស្សអាក្រក់ និងល្ងង់។ បើគ្រប់គ្នាសុទ្ធតែជាមនុស្សល្អ បើគ្រប់គ្នាសុទ្ធតែចេះដឹង សួរថា បញ្ហាក្នុងពិភពលោកនេះកើតមកពីអ្នកណា? ពេលដែលដឹងថាខ្លួនឯងល្ងង់ គឺជាពេលដែលចេះពិចារណាបែបនេះ ក៏ដឹងថា មនុស្សទាំងអស់មានភាពល្អនិងអាក្រក់នៅជាមួយគ្នា ហេតុនេះការដែលអាចយល់ដឹង ឬមើលខ្លួនឯងឃើញ គឺជាប្រភពនៃក្ដីសុខ មានក្ដីសុខខ្លួនឯង ក៏ចេះផ្ដល់ក្ដីសុខដល់អ្នកដទៃ។